Greece tinapos sa 3-1 ang kanilang laban ng Philippine team

MANILA, Philippines — Tuluyan nang pinatid ni World No. 6 Stefanos Tsitsipas ang anumang pag-asa ng Pilipinas ma­tapos patumbahin si Jeson Pa­trombon, 6-2, 6-1, pa­ra sel­yuhan ang do­mi­nas­yon ng Greece sa ka­­nilang World Group II Davis Cup tie kahapon sa Philippine Co­lumbian Association Plaza Dilao courts sa Paco, Manila.

Nauna nang tinalo ng 21-anyos na si Tsitsipas si AJ Lim sa parehong iskor sa unang singles match no­ong Biyernes.

Tinalo naman ni Petros, ang nakakabatang ka­patid ni Tsitsipas, si Patrombon, 6-2, 6-1, sa isa pang singles match.

“We’re looking forward to playing our next op­ponents,” pahayag ng 6-foot-4 na si Tsitsipas, nauna nang na­talo kay No­vak Djo­ko­vic sa finals ng Dubai Cham­pionship noong nakaraang linggo.

Hindi nablangko ang mga Pinoy netters matapos talunin nina Francis Casey Alcantara at Ruben Gonzales sina Petros Tsitsipas at Markos Ka­lo­velonis, 7-6 (5), 6-4, sa doubles.