NLEX handa na para sa Philippine Cup
MANILA, Philippines — Kumpleto na ang tropa ng NLEX matapos papirmahin ang ilang beterano para sa 2020 PBA Philippine Cup opener sa Linggo sa Smart Araneta Coliseum.
Binigyan ng contract extensions ng Road Warriors sina Cyrus Baguio, Papot Paredes at Kyles Lao para sa misyong makapanggulat sa All-Filipino conference.
Tig-isang taon ang kontrata nina Paredes at Lao at six-month deal lamang kay Baguio.
Ito ay para mabigyan ng magandang farewell tour si “Skyrus” sa PBA Philippine Cup matapos siyang mag-anunsyo na ito na ang kanyang huling PBA conference.
Ang NLEX ang ikaanim na team ng UST standout sa makulay niyang 17-year career matapos mapili bilang 14th overall pick ng Red Bull noong 2013 PBA Rookie Draft.
Inaasahang magiging malaking tulong sina Baguio, Paredes at Lao para sa NLEX na papasok sa transition sa pagkawala ni big man JP Erram.
Nalipat si Erram sa TNT Katropa na nag-iwan kina JR Quiñahan at Asi Taulava sa frontcourt ng Road Warriors kasama sina Kris Porter, Raoul Soyud, Mike Miranda at rookie Wil McAloney.
Babandera sa back court ng sina Kiefer Ravena, Kevin Alas, Bong Galanza at Philip Paniamogan.
- Latest