Napasigaw si Kenneth Solis ng Tarlac Central Luzon sa pagtawid niya ng finish line sa Stage Nine.
PM photo ni Ernie Peñaredondo
Oconer amoy na ang korona
Nilda Moreno (Pang-masa) - March 4, 2020 - 12:00am

Solis inilusot ang Tarlac Central Luzon sa Stage Nine ng 2020 LBC Ronda

VIGAN CITY, Philippines – Na­pa­ngalagaan ni George Oco­ner ng Standard In­surance-Navy ang kanyang overall lead sa in­dividual classification ma­tapos ang Stage Nine ng LBC Ronda Pilipinas, 2020 na nagsimula sa Pu­go, La Union at nagtapos dito kahapon.

Kaya naman kahit may isang stage pa ay tiyak nang aangkinin ni Oconer ang pinapangarap na ko­rona.

Wala sa top 20 fini­shers sa nasabing stage ang 28-anyos na si Oco­ner at ang kanyang teammates, pero malaki ang kanyang lamang sa oras kaya hindi ito nausog sa kinauupuan at kanyang ko­ponan.

May aggregate cloc­king na 31 oras, 50 minuto at 52 segundo si Oco­ner sa overall individual classification at lamang siya ng isang minuto at 15 segundo sa teammate niyang si 2018 king Ro­nald Oranza.

“Nagtrabaho talaga ka­mi. Tamang pahinga lang kami, tamang safety,” sabi ni Oconer.

Nasa third hanggang sixth place pa rin ang iba pang Navy riders sa overall individual classification.

Ito ay sina Ronald Lomotos, John Mark Cami­ngao, Junrey Navarra at El Joshua Cariño.

Criterium ang banatan ngayon sa Stage Ten kaya wala nang puwedeng ma­kaagaw ng korona sa Standard Insurance-Navy sa event na inorganisa ng LBC at pakikipagtulu­ngan sa Manny V. Pangi­linan Sports Foundation,

Paniguradong ikaka­hon ng Standard Insu­rance-Navy ang overall team classification da­hil milya-milya ang kanilang bentahe.

Itinala ng Navy ang 127 oras, 23 minuto at 33 segundo sa team classification, malayo ng 33 mi­nuto at 28 segundo sa Go for Gold at Bicyco­logy Shop-Army.

Samantala, nagwa­gi sa Stage Nine si Kenneth Solis ng Tarlac Central Lu­zon sa kanyang bilis na apat na oras, 15 minuto at 27 segundo sa distan­­syang 176.4 kilometro.

“Para sa anak ko itong panalo. Pinilit ko tala­gang makuha ito,” wika ng 26-anyos na si Solis.

Dumating na segundo si Christopher Garado ng South Luzon Batangas.

 

OCONER
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with