Tokyo Olympic Games tuloy kahit may COVID-19

TOKYO — Pinabula­anan ng mga organizers ng 2020 Tokyo Olympics ang ‘speculation’ na ang novel coronavirus epi­demic ang maaaring mag­pakansela sa Summer Games.

Ito ay matapos ang pa­nukala ng isang opis­yal ng International Olympic Committee.

“Tokyo 2020 will con­tinue to collaborate with all relevant organiza­tions which carefully monitor any incidence of infectious diseases and will re­­view any countermeasures that may be neces­sa­ry with all relevant or­­­ganizations,” wika ng lo­­c­al organizing sa isang official statement. “The rest is spe­culation.”

Ayon sa Tokyo Organizing Committee, ang countermeasures laban sa COVID-19 ay isang ma­halagang bahagi ng ka­nilang mga plano para ma­panatili ang kaayusan sa 2020 Tokyo Games.

Kinumpirma naman ng IOC ang patuloy na pre­parasyon ng Tokyo or­ganizers para sa pamama­hala sa Olympics na na­katakda sa Hulyo 24 hanggang Agosto 9.

“The IOC is in contact with the World Health Or­ganization, as well as its own medical experts. We have full confidence that the relevant authorities, in particular in Japan and China, will take all the necessary measures to address the situation,” pa­hayag ng IOC.

Sa naunang panayam kay IOC member Dick Pound, sinabi ni­yang magiging krusyal ang mga susunod na linggo tungkol sa pagdaraos ng 2020 Tokyo Olympics dahil sa banta ng coronavirus.

Kamakalawa ay ipinag-utos ni Prime Minis­ter Shinzo Abe sa mga or­ganizers ng malalaking sporting at cultural events na kanselahin o ipagpali­ban ang mga ito dahil sa banta ng COVID-19.