Irving lalong lumala ang injury sa balikat
NEW YORK – Hindi lalaro si Kyrie Irving sa unang game ng Brooklyn pagkatapos ng All-Star Break dahil lumala ang kanyang injury sa kanang balikat na dahilan kaya hindi ito naisalang sa kaagahan ng kasaluku-yang NBA season.
Sinabi ni Nets coach Kenny Atkinson sa mga reporters nitong Martes na kailangang makipagkita si Irving sa isang espesya-lista ngayong linggo para matukoy ang kanyang tunay na kondisyon.
Hindi nakalaro si Irving sa naunang 26-games ng Brooklyn ngayong season. Nagpaturok ito ng cortisone noong December imbes na sumailalim sa arthroscopic surgery bagamat posibleng kailangan din niyang magpaopera ngayon.
Dahil sa pangyaya-ring ito, hindi na naman alam kung kailan maka-kabalik-laro si Irving.
Natengga na rin si Irving dahil sa napu-wersang kanang tuhod. Lumaro lang siya ng 20 sa 53 games ng Nets.
Magbabalik ang Brooklyn mula sa All-Star break nitong Huwebes kontra sa Philadelphia 76ers.
Samantala, nagsi-mula nang makibahagi si Stephen Curry sa drills ng Golden State, isang indikasyon na malapit na ang kanyang pagbabalik sa court.
- Latest