Memoryang hatid ng NBA All-Stars
Lubos na kapado o intindido ng mga Filipino ballers ang bagong format sa katatapos na 2020 NBA All-Star Game dahil ito ay larong Pinoy.
Sinungkit nina Kawhi Leonard at ng kanyang mga teammates sa Team LeBron ang race-to-157-point game kontra Team Giannis.
Sa Pinas, walang basketball player na hindi nakalaro ng dose-dose o unahan sa veinte quarto. At pagkatapos ay rebanse o rematch.
Ito ang laro noon bago napunta sa straight veinte singko na walang race-to-three overtime.
Namalas din ito noong kapanahunan ni late Butch Maniego bilang technical director sa Philippine Basketball League.
Dahil limitado ang kanilang TV time slot, in-implement nila ang race-to-seven-points para idetermina ang panalo sa overtime.
At para rin laro sa Pinas, kinakitaan ng maraming diskusyon sa tawagan ang endgame ng NBA All-Star Game.
“Nagkananaan,” ani Pareng Kandong Pabaya, na biglang naalala ang laro noong araw ng mga katotong sina Dennis Alemania, Odie Chua at Ernie Malit.
“Kahit na yelo-yelo lang ang laban, talagang nagkakananaan. At suntukan na kapag isang family size na soft drink ang pustahan,” ani Kagawad Dennis.
*****
Ang katanungan ay kung ano naman ang pakulo ng Philippine Basketball Association sa kanilang Season 45 All-Star Game na nakatakda sa Passi, Iloilo.
Malaking tagumpay ang 2019 PBA All-Star Game sa Calasiao, Pangasinan kung saan nakalikom ng maraming wheelchairs bilang papremyo ng hosts/organizers sa bawat three-point shot at slam dunk na mga All-Star players.
Dahil dito ay maraming napasaya at natulungan ang nakaraang PBA All-Star Game, bagay na nais nilang at least matapatan sa Passi, Iloilo.
- Latest