All-Star Game MVP award ipapangalan kay Bryant
CHICAGO — Ipinangalan ng NBA ang kanilang All-Star Game MVP award kay Kobe Bryant.
Ito ang inihayag kahapon ni NBA Commissioner Adam Silver bilang tribute kay Bryant, namatay sa isang helicopter crash kasama ang 13-anyos na anak na si Gianna at pitong iba pa noong Enero 26.
Si Bryant ang anging pinakabatang player na naglaro sa All-Star Game sa kanyang debut noong 1998 sa edad na 19-anyos.
Napasama siya sa All-Star team ng 18 beses sa kanyang 20-year career para sa Los Angeles Lakers kung saan siya nagkaroon ng apat na MVP award.
“Bryant is synonymous with NBA All-Star and embodies the spirit of this global celebration of our game,” sabi ni Silver sa NBA great na pumanaw sa edad na 41-anyos.
- Latest