PBA pocket tourney didribol ngayon

MANILA, Philippines — Maagang magkakasu­bukan ang apat na kopo­nang NLEX, Phoenix, Alaska at San Miguel sa isang mini-tournament pa­­ra sa nalalapit na PBA Phi­lippine Cup.

Unang sasalang ang Fuel Masters at ang Beermen ngayong alas-10 ng umaga kasunod ang banggaan ng Aces at Road Warriors sa alas-12 ng tanghali.

Gaganapin ang pocket tournament, lalarga hanggang Pebrero 21, sa Upper Deck Sports Center sa Ortigas City.

Ito ang magi­ging ma­laking hamon para sa San Mi­guel na maglala­ro nang wala si big man June Mar Fajardo.

Kasalukuyang nasa re­covery si Fajardo matapos ang matagumpay na surgery sa kanyang complete fracture tibia injury. Inaasahang mawawala si­ya sa buong 2020 PBA Philippine Cup at posibleng umabot pa sa Commissioner’s Cup.

Pilay ding sasabak ang Phoenix matapos sumailalim sa surgeries si­na forward Jake Pascual (ACL) at center Dave Mar­celo (bone spur).

Intact roster naman ang ipaparada ng NLEX sa pangunguna nina Kie­fer Ravena at Poy Erram.

Sasalubong sa kanila ang palabang Alaska sa pamumuno nina Vic Ma­nuel, JVee Casio at Jeron Teng.