2-ginto pa sa jiu-jitsu

CLARK, Philippines – Nagdag-dag ng dalawang gold medals sina Adrian Rodolfo Erwin Guggenheim at Annie Ramirez sa pagsasara ng jiu-jitsu competitions ng 30th Southeast Asian Games.

Tinalo ni Guggenheim si Willy ng Indonesia sa men’s under 77 kilogram, habang dinaig ni Ramirez si Cassandra J Poyong ng Malaysia sa women’s under-55kg para ibulsa ang mga gintong medalya kahapon dito sa Laus Group Event Center.

Tinapos ng mga Pinoy jiu-jitsu warriors ang kanilang kampanya sa 2019 SEA Games bitbit ang limang ginto, dalawang pilak at isang tansong medalya para isubi ang overall title.

May tig-tatlong gold naman ang Singapore at Thailand, habang nabokya ang Vietnam, Indonesia at Malaysia.

Pinangunahan ni 2018 world champion Marga-rita “Meggie” Ochoa ang pananalasa ng mga Pinoy matapos talunin si Le Dao ng Vietnam sa women’s 45kg noong Lunes.

Sinundan ito ng mga panalo nina Dean Michael Roxas (men’s 85kg) at Carlo Peña (men’s 56kg).