2-golds sa judo at sambo

CLARK, Philippines — Kagaya ng dapat asahan, nagbigay ng dalawang gintong medalya ang mga judokas habang isa ang galing sa sambo para sa kanilang kontribus-yon sa kampanya ng Team Philippines sa 30th Southeast Asian Games.

Inangkin ni Filipino-Japanese Kiyomi Watanabe ang gold medal sa women’s under 63-kilograms nang talunin si Chu Myat Noe Wai ng Myanmar para sa kanyang ‘four-peat’ sa biennial event sa Laus Group Events Center dito.

Nagdomina ang 23-anyos na si Watanabe noong 2013, 2015 at 2017 SEA Games sa Nap-yidaw, Singapore at Kuala Lumpur, Malaysia, ayon sa pagkakasunod.

Ang ikalawang gold medal ay nanggaling naman kay Shugen Nakano matapos talunin si B Prasetiyo ng Indonesia sa finals ng men’s under-66-kilogram division kahapon dito.

Isang puntos ang agwat ni Nakano bago niya iba-libag si B Prasetiyo sa huling mga segundo ng laban para agawin ang panalo at ang gintong medalya.

Sa Angeles University Foundation, inangkin naman nina mixed-martial artists Mark Edward Striegl at judoka Chino Sy ang dalawang gintong medalya sa men’s combat 74kg at 82kg division, ayon sa pagkakasunod, ng sambo competition.