PBA Press Corps-Cignal Player of the Week
MANILA, Philippines — Matapos bitbitin ang NorthPort sa playoffs, pinarangalan si Sean Anthony bilang PBA Press Corps – Cignal Player of the Week sa huling elimination round week ng 2019 PBA Governors’ Cup.
Humakot ang Fil-Canadian forward ng kumpletong 18 puntos, anim na rebounds at anim na assists sa 98-96 tagumpay kontra sa Barangay Ginebra noong nakaraang linggo upang pormal na makapasok sa playoffs.
Subalit bago iyon, nagpasiklab din ang versatile big man ng 19 points at 7 boards sa malaking 102-94 silat na panalo ng Batang Pier kontra sa No.1 NLEX.
Sa kabuuan, nagrehistro si Anthony ng 18.5 points, 6.5 rebounds at 4.0 assists sa dalawang krusyal na tagumpay ng Batang Pier upang masungkit ang lingguhang parangal mula petsa Nobyembre 11-17.
Bunsod sa solidong performance na ito ni Anthony ay nakuha ng Batang Pier ang huli at ikawalong playoff spot.
- Latest