Pau Gasol binitawan ng Trail Blazers
PORTLAND – Binitawan ng Trail Blazers si veteran Pau Gasol matapos mabigo ang 39-anyos na big man na mapagaling ang kanyang left foot injury makaraang sumailalim sa surgery.
Sinabi ni Gasol na kasalukuyan nang inaayos ng Portland ang detalye para sa kanyang coaching role sa koponan.
May dalawang NBA championship ang future Hall of Famer at anim na All-Star appearances sa kanyang 18 NBA seasons.
Nananatili siya sa lungsod para sa kanyang rehab.
Nauna na siyang lumagda sa Milwaukee Bucks matapos ang buyout sa kanyang kontrata ng San Antonio Spurs sa nakaraang season. Napanood lamang siya sa tatlong laro para sa Bucks bago nagkaroon ng season-ending foot injury.
Tinapos ni Gasol ang kanyang paglalaro sa nakalipas na season na may career-low 3.9 points at 4.6 rebounds.
Nauna nang pumirma si Gasol sa isang one-year deal sa Blazers noong Hulyo.
Naglaro rin si Gasol para sa Memphis Grizzlies, Los Angeles Lakers at Chicago Bulls at may outstanding FIBA career sa Spanish national team.
- Latest
