Mayweather ayaw sa rematch kay Pacquiao
MANILA, Philippines — Sa gitna ng usap-usapang gumugulong ang negosasyon upang matuloy ang rematch nina Manny Pacquiao at Floyd Mayweather Jr., muling iginiit ng American undefeated fighter na wala siyang balak bumalik sa ring.
Ito ang inihayag ni Mayweather kung saan nais niyang pangalagaan ang kanyang kalusugan kesa muling sumabak sa pagboboksing.
Sinabi niyang isang mapanganib na sport ang boxing.
At hindi na akma na lumaban pa siya sa kanyang edad na 42-anyos.
May mga pagkakataon na kailangan nang magdesisyon kung kailan dapat nang tumigil.
Marami na rin aniya siyang napatunayan kaya’t hindi napapanahon ang pagbabalik niya sa ibabaw ng boxing ring.
“I’ve got calls to get back into the ring, but my health is my wealth. Boxing is a very, very brutal sport. In the last few years a lot of fighters have died inside that squared circle. You have got to know when to hang it up. I had a great career,” wika ni Mayweather.
Gayunpaman ay hindi isinasara ni Mayweather ang kanyang pintuan sa exhibition matches.
Malaki aniya ang kanyang kinikita sa naturang exhibitions.
“I’ll still travel and do exhibitions. I make great money doing exhibitions - between $10 and $30 million,” ani Mayweather.
Huling sumailalim sa exhibition si Mayweather nang patumbahin niya si Japanese kickboxer Tenshin Nasukawa noong nakaarang Disyembre sa Japan.
Dahil dito ay posibleng isantabi muna ng Team Pacquiao ang usapin sa rematch.
Kaya naman bukas na bukas na naman ang listahan sa mga posibleng makalaban ni Pacquiao sa pagdepensa ng World Boxing Association welterweight belt.
- Latest