Inoue patutulugin si Donaire sa November 7
MANILA, Philippines — Idolo ni International Boxing Federation at World Boxing Association regular bantamweight champion Naoya Inoue ng Japan si WBA super bantamweight king Nonito ‘The Filipino Flash’ Donaire, Jr..
Ngunit isasantabi muna ito ni Inoue sa oras na makaharap si Donaire sa finals ng 2019 World Boxing Super Series bantamweight sa Nobyembre 7 sa The Super Saitama Arena sa Saitama, Japan.
Mataas ang respeto ni Inoue kay Donaire na itinuturing ng Japanese fighter na isa sa mga nagsisilbing inspirasyon niya para magpursige at maabot ang kasalukuyang estado nito.
“I have been watching Donaire throughout his career and was stealing his moves when I was starting out in boxing. I have a lot of respect for Donaire, I have idolized him and that’s why he was the one I wanted to fight the most in this tournament,” wika ni Inoue.
Handa si Inoue na gawin ang lahat para pigilan ang kanyang idolo.
Sa katunayan, plano ni Inoue na makuha ang knockout win sakaling magkaroon siya ng pagkakataon na makapasok.
“But now it’s time for a change of generations. I’m prepared to fight for 12 rounds with Nonito Donaire, but if I see an opening, I will aim for a knockout,” ani Inoue.
Kinailangan lamang niya ng 70 segundo para ma-knockout si dating champion Juan Carlos Payano sa quarterfinals bago payukuin sa second round si Emmanuel Rodriguez sa semifinals para makuha ang IBF title.
Hangad ni Inoue na gumawa ng pangalan at patunayang siya ang pinakamahusay na bantamweight boxer sa buong mundo.
- Latest