Tennis at wushu tatalakayin sa PSA Forum ngayon
MANILA, Philippines — Bibisita si tennis prodigy Alex Eala sa Philippine Sportswriters Association (PSA) Forum sa unang pagkakataon ngayon sa Amelie Hotel-Manila.
Ilalahad ni Eala, ang No. 13 sa world junior rankings, ang kanyang mga plano matapos sumabak sa World Super Juniors Tennis Championships.
Sasamahan siya ng kanyang amang si Mike Eala sa pang alas-10 ng umagang sesyon.
Dadalo rin sina wushu duo Agatha Wong at Daniel Parantac sa programang inihahandog ng San Miguel Corp., Braska Restaurant, Amelie Hotel at Philippine Amusement and Gaming Corporation (PAGCOR).
Sasabak sina Wong at Parantac sa wushu event ng darating na 30th Southeast Asian Games na nakatakda sa Nobyembre 30 hanggang Disyembre 11.
- Latest