Kawhi nagpasiklab sa Clippers win

LOS ANGELES – Pinamunuan ni star forward Kawhi Leonard ang Clippers sa 112-102 panalo laban kay LeBron James at sa Lakers sa season opener kahapon.

Humataw si Leonard ng 30 points, habang nagdagdag si Lou Williams ng 21 points at may 17 markers si Montrezl Harrell para sa Clippers.

Hindi naglaro para sa Clippers si Paul George na sumailalim sa offseason shoulder surgeries.

Hangad ni Leonard ang kanyang ikatlong NBA title matapos matulungan ang San Antonio Spurs at Toronto Raptors.

Itinampok ng  Lakers ang bago nilang 1-2 punch sa katauhan nina James at Anthony Davis na tumipa ng 25 at 18 points, ayon sa pagkakasunod.

Pinangunahan ni Danny Green ang Lakers sa kanyang 28 points.

Sa Toronto, tumipa si Fred VanVleet ng career-high 34 points at kumolekta si Pascal Siakam ng 34 points at 18 rebounds para tulungan ang nagdedepensang Raptors sa 130-122 overtime win kontra sa New Orleans Pelicans.

Nag-ambag si Kyle Lowry ng 22 points, kasama dito ang dalawang free throws na nagbigay sa Toronto ng komportableng bentahe laban sa New Orleans.

Ito ang pang-pitong sunod na panalo ng Raptors, nakahugot kay Serge Ibaka ng 13 markers, sa kanilang season opener.

Umiskor naman si Brandon Ingram ng 22 points at nagsumite si Josh Hart ng 15 points at 10 rebounds para sa Palicans na naglaro na wala si No. 1 pick Zion Williamson.

Naglista si JJ Redick ng 16 points kasunod ang 14 at 13 markers nina Nicolò Melli at Jrue Holiday, ayon sa pagkakasunod.