Hiling ni Romero sa Sea Games organizers: Estudyante gawing libre sa SEA Games

MANILA, Philippines — Alam ni Deputy Speaker Mikee Romero (1Pacman Partylist) kung gaano kahalaga ang crowd support para sa hangarin ng Team Philippines na muling maging overall champion matapos noong 2005.

Kahapon ay hiniling ni Romero sa Department of Education at sa Philippine SEA Games Organizing Committee na payagan ang mga estud-yante na manood nang libre.

“We have state-of-art athletics and swimming centers but it will look ugly if there are no student-cheerers,” sabi ni Romero.

Idinagdag pa ni Romero, lalahok sa biennial meet bilang miyembro ng Philippine polo team na dapat magtakda ang Phisgoc ng lugar para sa mga estudyante, lalo na ang mga mula sa Tarlac at Pampanga, na magtsi-cheer hindi lamang sa mga Pinoy kundi maging sa mga atleta ng ibang bansa.

“We did it 14 years ago so I see no reason why we can’t duplicate our golden achievements during the 23rd SEA Games. With President Duterte’s total support and crowd support I’m confident we can do it again,” wika ni Romero, isa sa mga founding directors ng Philippine National Federation of Polo Players.

Nang huling pamahalaan ng bansa ang SEA Games noong 2005 ay kumolekta ang mga Pinoy athletes ng kabuuang 113 gold medals na 26 ang agwat sa perennial champion Thailand.

“If you are competing and you see your kababayans cheering their hearts out, I’m sure you will do eve-rything humanely possible to win,” dagdag pa ni Romero. “That’s what I want to see and hear when we hold this year’s SEA Games.”

Ang  biennial meet ay nakatakda sa Nobyembre 30 hanggang Disyembre 11. Ang opening ay gagawin sa Philippine Arena sa Bulacan at ang closing ceremony ay sa New Clark City sa Capas, Tarlac.

Ang secondary venue ay ang Subic habang ang tertiary venue ay ang Metro Manila at iba pang siyudad kagaya ng Tagaytay City.