Quizon, Elorta magsusulong ng ginto sa SEAG

MANILA, Philippines — Huling nagsulong ng gold medal ang Pilipinas sa Southeast Asian Games noong 2001.

Ito ang magiging mis­­yon nina ches­sers Daniel Quizon at David Elorta sa 30th SEA Games.

Ang 14-anyos na si Qui­zon at ang beteranong si Elorte ang hinirang na blitz kings ng bansa dahil sa kanilang pagdomina sa nasabing event.

Si Wesley So, isa nang miyembro ng US na­­tional team, ang kumu­ha ng gold medal sa SEA Games walong taon  na ang nakakalipas sa Pa­lem­­bang, Indonesia.

Sina Quizon at Elorta ay bahagi ng 10-player team ng National Chess Fe­deration of the Philip­pines para sa 2019 SEA Games at sasabak sa men’s blitz event laban sa mga pinakamahuhusay sa rehiyon kasama si da­ting world blitz champion Le Quang Liem ng Viet­nam.

Nakapasa si Quizon sa SEA Games quali­fying tournament noong nakaraang buwan sa ni­la­hukang Asian Juniors Rapid tournament kung sa­an niya tinalo sina Grand Masters Eugene Torre at Joey Antonio.

Ito naman ang unang pagkakataon na isusuot ni Elorta ang uniporme ng national team.

Makakatuwang nina Qui­­zon at Elorta sa 2019 SEA Games sina  Jan Em­­ma­nuel Garcia at Paulo Bersamina, lalahok sa men’s rapid, at sina Antonio at GM Darwin Laylo, sasabak sa ASEAN chess na gagamit ng parehong chess pieces ngunit may ibang patakaran.

Ang women’s team ay babanderahan naman nina Woman GM Janelle Mae Frayna at Cherry Ann Mejia sa blitz at nina WIM Catherine Secopi­to at WFM Shania Mae Mendoza sa rapid.

Limang gin­tong me­dalya ang na­ka­taya sa chess event ng SEAG.