Walang imposible-- Ramirez
MANILA, Philippines — Isang daang araw bago ang 30th Southeast Asian Games, muling iginiit ni Chef de Mission at Philippine Sports Commission Chairman William Ramirez ang kanyang suporta sa iba’t ibang National Sports Associations (NSA) sa 3rd Consultative Meeting of Team Philippines kahapon sa Philippine International Convention Center (PICC) sa Pasay City.
“Our objectives are bigger than us, so together we will make whatever seems impossible --- possible. It’s by continuous conversation that we find solutions.” sabi ni Ramirez sa kanyang opening remarks.
Dumalo ang 53 sa 59 NSAs sa ikatlong 3rd Consultative Meeting na kinatawan ng kanilang mga presidente at secretary generals.
Karamihan sa idinulog ng NSAs ay tungkol sa sport equipment na gagamition ng kanilang mga athletes sa training at pagpa-finalize ng actual playing venues ng kanilang sport para sa Nobyembre 30 hanggang Disyembre 11 na biennial meet.
“Ang main problem po namin is the specs of the park event. The contractor gave us the design, basically, a drawing but we were asking for a detailed plan for sections and everything so that we know the depth, the height, the area and everything” sabi ni Monty Mendigoria, the President of the Skateboarding and Roller Sports Association of the Philippines na tinutukoy ang on-going construction ng skate park sa Tagaytay City.
Siniguro ni CDM Ramirez na paghahanapin ng PSC ang Philippine SEA Games Organizing Committee (PHISGOC) ng solution sa mga problemang ito. “These are the things na titignan ng organizing committee (PHISGOC), PSC and POC. We need to immediately solve the problem. I hope we could find the solution on that immediately.”
- Latest
