Jerwin Ancajas naghahanap ng kalaban

MANILA, Philippines — Dahil sa biglaang pag-akyat ng weight division ni dating Mexican world champion Carlos Cuadras ay naghahanap ngayon ng makakalaban si Filipino boxing superstar Jerwin Ancajas.

Isa sa mga boxer na tinitingnan ng kampo ni Ancajas ay si Alex-andru Marin ng Romania na inilarawan ni international matchmaker Sean Gibbons ng MP Promotions na hindi umuurong sa suntukan.

Inalok na ng MP Promotions ni Filipino world eight-division champion Manny Pacquiao ang grupo ng 27-anyos na si Marin para hamunin si Ancajas, ang kasalukuyang International Boxing Fe-deration super flyweight titlist.

Sakaling hindi kumagat ang tropa ng Romanian fighter ay ilang Mexican boxers ang susubukan ng MP Promotions na lapitan para sagupain ang 27-anyos na tubong Panabo City, Davao del Norte.

Ilan sa mga ito ay sina Iran Diaz, Miguel Gonzales at Antonio Nieves.

Kasalukuyang bitbit ni Ancajas ang kanyang 31-1-2 win-loss-draw ring record kasama ang 21 KOs at itataya ang suot na IBF, napanalunan niya noong Setyembre ng 2016 sa pang-walong sunod na pagkakataon.

Nagdesisyon naman ang 30-anyos na si Cuadras (38-3-1, 27 KOs), tinalo si Thailand superstar Srisaket Sor Rungvisai noong 2014 para sa WBC super flyweight belt na umakyat sa flyweight class.

Ang training camp ni Ancajas ay inilipat sa Naval Education and Doctrine Command sa San Antonio, Zambales mula sa Survival Camp sa Magallanes, Cavite.

Matagumpay na naidepensa ni Ancajas ang kanyang IBF super flyweight title matapos umiskor ng seventh-round stoppage kontra kay Japanese mandatory challenger Ryuichi Funai noong Mayo sa Stockton, California.