Tolentino pamumunuan ang General Assembly ngayon
MANILA, Philippines — Simula nang maupo bilang bagong pangulo ng Philippine Olympic Committee ay isasagawa ni Rep. Abrahan “Bambol” Tolentino ang kauna-unahan niyang General Assembly meeting ngayon sa Diamond Hotel sa Malate, Manila.
Inaasahan ang madaling kumpirmasyon mula sa nasabing GA ang mga bagong appointments ni Tolentino na aprubado na rin sa Executive Board Meeting noong Agosto 9 sa POC office sa Philsports Complex sa Pasig City.
Kabilang sa mga tatalakayin sa GA ay ang appointment ni Edwin Gastanes ng football bilang bagong secretary-general kapalit ni Pato Gregorio na tumanggi sa dati niyang posisyon dahil sa kanyang corporate duties sa PLDT.
Si movie actor at Ormoc City Mayor Richard Gomez ng fencing ang bagong deputy sec-gen kapalit ni Karen Caballero-Tangchangco ng sepak takraw at si dating Justice Secretary Alberto Agra ang chief legal counsel ng POC.
- Latest