Pacquiao handa na para sa weigh-in
MANILA, Philippines – Kasado na ang solidong katawan ni reigning World Boxing Association regular welterweight king Manny Pacquiao isang araw bago ang official weigh-in ng unification bout nila ni Keith Thurman bukas.
Nakatakda ang official weigh-in ngayong araw sa MGM Grand Garden Arena sa Las Vegas, Nevada.
Nasa 146 pounds ang timbang ni Pacquiao na pasok na pasok sa 147-pound weight limit.
“As we’ve been saying three weeks yet before we came here, Manny was already in top fighting form and ready to mix it up. That’s how it was when we left L.A. Monday and that’s how it is now, four days after we arrived here and two days before the fight,” ani Hall of Famer Freddie Roach.
Nakahanda na rin ang gameplan ni Pacquiao.
Ayon kay Roach, may sagot ito sa lahat ng posibleng gawin ni Thurman – makipagsabayan man ito o tumakbu-takbo sa loob ng ring.
“He can do whatever he wants. If he decides to fight, we’re ready for it. If he runs, we’ll chase him,” ani Roach.
Nasa perpektong kundisyon na si Pacquiao kaya’t mapanganib ang bawat bibitawan nitong suntok.
“Well, Manny’s now 100 per cent in peak shape. We would have liked that he reaches that at the day of the fight itself, but we won’t mind it happened earlier,” wika ni Roach.
Kagaya ng orihinal na plano, magkakaroon ng sapat na pahinga si Pacquiao bago ang laban.
Sinabi ni chief trainer Buboy Fernandez na kailangan ito ni Pacquiao para masiguro na fully-recovered ang kanyang katawan sa fight day.
“Nabigyan naman namin siya ng few rest days kahit dito sa Vegas. We really prepared Manny in such a manner that whatever Thurman brings to the table, we would have ready answers to them,” wika ni Fernandez.
Hindi aniya makakalusot si Thurman sa kamandag ng mga kamao ni Pacquiao.
Ayon kay Fernandez, aatake ngunit mag-iingat ang eight-division world champion upang makaiwas sa pagkakamali.
- Latest
