Manila, Pampanga target ang ratsada
MANILA, Philippines — Pipilitin ng Manila at Pampanga na mapanatili ang mainit nilang ratsada sa 2019 MPBL Lakan Season sa Alonte Sports Center sa Biñan City, Laguna.
Parehong nagmula sa panalo, magtutuos ang Stars at Giant Lanterns ngayong alas-6:30 ng gabi.
Muling sasandal ang Manila kay Aris Dionisio, ang 2018 Defensive Player of the Year, na nagtala ng mga averages na 16.3 points at 11.3 rebounds a game.
Tumipa ang 6-foot-4 forward ng 23 points at 5 blocks sa naunang panalo ng Stars laban sa GenSan Warriors.
Sa unang laro sa alas-4 ng hapon ay magkikita naman ang Zamboanga at Pasay, habang sa main game at magtatagpo ang Biñan City at Basilan sa alas-8:30 ng gabi.
- Latest