GenSan, Batangas at Cebu nagsipanalo

MANILA, Philippines — Nagtala ng panalo ang Ge­­neral Santos, Batangas at Ce­­bu sa 2019 MPBL La­­kan Season.  

Nagtulung-tulong ang mga Warriors upang ta­­bu­nan ang pagkawala ni ace player Mike Williams at tapusin ang four-game winning streak ng Valenzuela Classic sa pamama­gitan ng 93-87 panalo no­­­ong Lu­nes ng gabi sa Va­lenzuela Astrodome.

Nanguna si Rob Celiz sa apat na players na tumapos ng double figures sa pagkamada ng 25 points para sa Warriors na may 12-of-23 shooting sa three-point area.

Tumapos naman si ace guard Pamboy Raymun­do na may 14 points at 12 assists, habang si John Orbeta ay may 12 mar­kers at may 10 naman si Meylan Landicho para sa Warriors na sumulong sa 4-2 kartada.

Ito ang ikalawang su­nod na panalo ni head coach Rich Alvarez.

Nauna rito, nakabawi ang Batangas City sa ka­ni­lang masaklap na pag­ka­talo sa pamamagitan ng pi­naghirapang 101-89 overtime win kontra sa pa­labang Basilan Steel.

 Niyanig ng Tanduay-backed Athletics ang Jum­bo Plastic-supported Steel sa extra period kung saan nilimitahan nila ang kala­ban sa apat na puntos lamang para sa kanilang ika­la­wang panalo sa tatlong la­ban.

Nalasap naman ng Ba­silan ang ikalawang pagka­talo sa limang laro.

 Sumandal naman ang Cebu Sharks kay Will Mc­­­Aloney sa huling tatlong segundo ng laro pa­ra taka­san ang Iloilo Uni­ted Royals, 69-68.