Anteto-kounmpo bagong NBA-MVP

SANTA MONICA, California — Hinirang si Giannis Anteto-kounmpo ng Milwaukee Bucks bilang 2019 Most Valuable Player sa ginanap na NBA Awards kahapon dito.

Tinalo ng 24-anyos na star forward mula sa Greece sina Paul George ng Oklahoma City Thunder at James Harden ng Houston Rockets para sa nasabing karangalan.

Hindi napigilan ni Antetokounmpo, nagtala ng mga averages na 27.7 points at 12.5 rebounds at nakamit and kanyang All-NBA first-team ho-nors ngayong season, ang pagtulo ng kanyang mga luha nang pasalamatan ang kanyang ina at mga kapatid.

Nagpasalamat din siya sa kanyang namayapang ama at sa suporta ng mga teammates niya at coaching staff sa Bucks.

Iginiya ni Anteto-kounmpo ang Milwaukee franchise sa best record sa regular season para umabante sa East finals.

Iginawad naman kay Mike Budenholzer ang Coach of the Year award dahil sa paggiya sa Bucks sa 60-22 record sa regular season sa una niyang taon at inihatid and koponan sa Eastern Conference finals kung saan sila sinibak ng NBA champion Toronto Raptors.

Inungusan ni Budenholzer para sa nasabing parangal sina Mike Malone ng Denver Nuggets at Doc Rivers ng Los Angeles Clippers.

Ang iba pang ginawaran ng parangal ay sina Luca Doncic ng Dallas Mavericks (Rookie of the Year), Pascal Siakam (Most Improved Player) ng Raptors, Rudy Gobert (Best Defensive Player) ng Utah Jazz, Lou Williams (NBA Sixth Man of the Year) ng Clippers at Mike Conley (Sportsmanship Award) ng Jazz.