Isaac Go PBA D-League MVP
MANILA, Philippines — Napasakamay man ni big man George Isaac Go ang hindi inaasahang Most Valuable Player award ng 2019 PBA Developmental League, iginiit nito na hindi iyon ang hangarin niya gayundin ng Cignal-Ateneo.
Para kay Go na bagama’t nagpapasalamat sa biglaang parangal, ang pinakamisyon niya ay matulungan ang Blue Eagles na tuluyan nang makamit ang D-League championship lalo’t may 2-1 abante sila ngayon sa kanilang best-of-five championship series ng CEU.
“It’s just a bonus. It was never a goal to win this. The goal is to win the championship, improve as a player and always put my best foot forward,” wika ng 6-foot-7 na si Go. “It’s nice to have it. I will enjoy it now but then again, we have another game on Tuesday and I will focus on that.”
Bagama’t solido ring kandidato sa MVP dahil sa kanyang average na 9.9 points sa 45-percent clip sahog pa ang 4.9 rebounds at 1.3 assists sa kumpletong 13 na laro, hindi inakala ni Go na siya ang magwawagi ng MVP lalo’t mas maganda ang numero ng top bets na sina RK Ilagan at Allyn Bulanadi ng Valencia City Bukidnon-SSCR gayundin ni Thirdy Ravena na teammate niya sa Ateneo.
May rehistro si Ravena na 14.2 points, 5.0 rebounds at 4.0 assists sa mas konting laro, habang sina Ilagan (20.0 ppg, 6.5 rpg, 2.8 apg, 2.3 apg) at Bulanadi (20.4 ppg, 6.8 rpb, 5.1 apg, 2.2 spg) naman ay sa kasamaang palad na natanggal agad sa semifinals.
“I honestly didn’t think I would win this. There were many other great players out there RK, Allyn and even Thirdy. I was really surprised that I got it,” diin ni Go. “It’s a blessing but this is just one step toards the goal.”
Ayon pa kay Go, dagdag na motibasyon sa kanya ang MVP win na ito sa mas malaking mis-yon sa paparating na University Athletic Association (UAAP) Season 82 kung saan asam nila ang ikatlong sunod na kampeonato.
“It’s a good motivational boost but then again it’s just an award. What I do here does not do anything what I will do in the UAAP. It just drives me to work harder, to produce more, be a better leader and all that,” pagtatapos niya.
- Latest
