Raptors first time sa NBA Finals

TORONTO — Tuluyan nang tinapos ng Raptors ang kanilang Eastern Conference championship series ng Milwaukee Bucks para umabante sa NBA Finals sa unang pagkakataon.

Kumolekta si Kawhi Leonard ng 27 points at 17 rebounds para banderahan ang Toronto sa 100-94 paggupo sa Milwaukee sa Game Six at isara ang kanilang serye sa 4-2.

Bumangon ang Raptors mula sa 15-point deficit para dumiretso sa kanilang ikaapat na sunod na panalo matapos kunin ng Bucks ang 2-0 abante sa serye.

“It’s still surreal to me right now,” wika ni Leo-nard. “But this is what we’ve been striving for all season. It’s not over yet.”

Hahamunin ng Toronto ang two-time defending champions Golden State Warriors sa Game One ng NBA Finals sa Huwebes.

Nagdagdag si Pascal Siakam ng 18 points, habang may 17 at 14 markers sina Kyle Lowry at Fred VanVleet, ayon sa pagkakasunod, para sa Raptors.

“It means a lot to me,” ani Lowry. “We beat a really good team in Milwaukee. But I’m not satisfied yet. Our goal is to win the NBA championship.”

Gumamit ang grupo nina Leonard ng 26-3 atake sa third quarter at sa kaagahan ng fourth period para sibakin ang Bucks.

Kumolekta naman si Giannis Antetokounmpo ng 21 points at 11 rebounds para pamunuan ang Milwaukee.

Nagwakas ang pangarap ng Bucks, ang NBA top team sa regular season, para sa una nilang finals berth sa loob ng 45 taon dahil sa apat na sunod na kamalasan sa serye ng Toronto.

Nag-ambag si Brook Lopez ng 18 points, 9 rebounds at 3 blocks, habang may 14 13 at tig-10 markers sina Khris Middleton, Ersan Ilyasova, Malcolm Brogdon at George Hill, ayon sa pagkakasunod.

“This hurts,” sabi ni Milwaukee coach Mike Budenholzer. “But what they did in the playoffs tonight against a really good Toronto Raptors team, and to get the Eastern Conference finals, the regular season, a special season for us. We feel like we’re just getting started.”