Gilas 3x3 team bibiyahe patungong Changsa, China
MANILA, Philippines — Pangungunahan ni collegiate star Ricci Rivero ang Gilas Pilipinas 3x3 team na sasabak sa FIBA 3x3 Asia Cup sa Changsha, China.
Nakatakdang magtungo sa Changsa ngayong araw sina Rivero, RJ Abarrientos, Rhayann Amsali at Barkley Ebona.
Sila ay rerendahan ni head coach Ronnie Magsanoc.
Magbabalik ang 21-anyos na si Rivero sa 3x3 scene kasama sina Amsali at Abarrientos matapos ang kanilang ninth place finish sa FIBA 3x3 Under-23 World Cup sa Xi’An, China noong Oktubre ng 2018
Tinulungan ni Rivero ang UP Fighting Maroons sa fourth-place finish sa UAAP 3x3 men’s tournament.
Si Amsali ang nanguna para sa San Beda Red Lions sa runner-up finish sa NCAA 3x3 tournament.
Nakita si Abarrientos sa level-4 tournament Smart SBP 3x3, samantalang ito ang magiging debut ni Ebona sa 3x3 event.
Kailangang manguna ang tropa sa Group A sa qualifiers para umabante sa main tournament.
Kasama ng Gilas Pilipinas sa nasabing grupo ang Qatar, Iran, Samoa at Thailand.
Ang first place team sa pool ang maglalagay sa kanila sa Group B kasama ang mga naghihintay na top teams na China at New Zealand.
Sa women’s division, sina Jack Animam, Afril Bernardino, Janine Pontejos at Clare Castro ang magsusuot ng uniporme ng Gilas Pilipinas 3x3 team.
Sila ay gagabayan ni multi-titled mentor Pat Aquino.
- Latest