Lady Eagles pinuwersa ang ‘winner-take-all’
MANILA, Philippines — Niresbakan ng Ateneo Lady Eagles ang UST Tigresses, 26-24, 14-25, 25-21, 25-15, sa Game Two para itabla ang kanilang title series sa Season 81 UAAP women’s volleyball championship kahapon sa Mall of Asia Arena sa Pasay City.
Matikas na laro ang ipinakita nina Maddie Madayag, Kat Tolentino, Deanna Wong, Bea De Leon, Jules Samonte at Dani Ravena para putulin ang seven-game winning streak ng Tigresses at itulak ang ‘do-or-die’ battle sa Sabado.
Nagtala si Madayag ng 17 points kabilang ng 10 attacks, 4 blocks at 3 aces upang gumanti sa kanilang 17-25, 16-25, 20-25 pagkatalo sa Tigresses sa Game One.
Nagdagdag ng 12 excellent receptions at 22 excellent digs si Ravena para sa Lady Eagles.
“Pagkatapos ng Game One, nag-uusap kami at nangakong we have to go all-out sa Game Two. Sabi namin lalaban talaga kami. We asked ourselves why we are here and what we are up to. So, we were in one common view that we have to play and win the championship for Ateneo,” ani Ravena.
Samantala, nasungkit ng National University Bulldogs ang ikaapat na men’s title matapos walisin ang FEU Tamaraws, 24-26, 25-23, 25-23, 25-19.
- Latest