Cignal Ateneo pasok sa playoffs

MANILA, Philippines — Tinambakan ng 44-puntos ng Cignal-Ateneo ang Batangas-EAC, 90-46 upang makasiguro ng slot ng playoffs ng 2019 PBA D-League na nagpatuloy sa Ynares Sports Arena sa Pasig.

Nagpakawala si Matt Nieto ng 10 sa kanyang 16-puntos sa first half bukod pa sa kanyang dalawang rebounds at dalawang assists para sa Blue Eagles na sumulong sa ikapitong panalo sa 8 laro para manati-ling maningning sa Aspirant’s Group.

Nagtala si William Navarro ng double-double na 13 points, 11 rebounds bukod pa sa two blocks para sa Ateneo na lumamang ng hanggang 48-puntos, 88-40, sa huling 2:12 minuto ng laro.

Samantala, lumapit sa playoff berth ang Valencia City- Bukidnon matapos ang madaling 106-75 panalo kontra sa University of Perpetual Help kahapon sa umiinit na 2019 PBA Developmental League sa Ynares Sports Arena sa Pasig City.

Abante lang ng 48-40 sa halftime, nagpakawala ng 33 puntos sa third quarter ang Golden Harvest upang tuluyang ilayo ang Altas sa 81-56 papasok sa huling kanto. Hindi na bumitiw pa mula sa manibela ang Valencia buhat noon tu-ngo sa madaling 21 puntos na tagumpay.

Bunsod nito, uma-ngat na sa 5-1 baraha ang Golden Harvest upang sosyohan sa ikalawang puwesto ng Foundation Group ang Metropac -- San Beda.

Nakalapit din sa playoff berth ang Valencia sa D-League kung saan tig-apat na koponan lamang kada grupo ang aabante sa quarterfinals.

Sa huling laro naman ay binigyan ng SMDC-NU ng unang kabiguan ang CEU, 74-67 sa likod ng 21 at 14 puntos ng magkapatid na sina Dave at Shaun Ildefonso.

Ito na ang ikalawang sunod na panalo ng NU para umangat sa 2-6 kartada sa Foundation Group habang sumayad naman sa 6-1 ang Scorpions ngunit nasa tuktok pa rin ng natu-rang grupo.