Didal, Means mahihirapan
MANILA, Philippines — Hindi magiging madali ang pag-angkin nina 2018 Asian Games gold medalist Margielyn Didal at Fil-American skateboarder Christiana Means sa tiket para sa 2020 Olympic Games.
Para makapaglaro sa skateboarding competition ng quadrennial event na gagawin sa Hulyo 24 hanggang Agosto 9 sa Tokyo, Japan ay kailangang pumasok sina Didal at Means sa Top 38 skaters.
“She needs to be on Top 38 for her to get a slot in the Olympic qualifier happening next year,” sabi ni Skateboarding and Roller Sports Association of the Philippines president Monty Mendigoria.
Ang skateboarding ang isa sa limang bagong sports events na inaprubahan para sa 2020 Tokyo Olympics bukod sa baseball/softball, karate, sport climbing at surfing.
“Margielyn Didal is currently ranked 14 and Christiana Means is currently ranked 22,” wika ni Mendigoria.
- Latest
