Teenage cyclist na ninakawan ng bisikleta, nagawa pa ring ikutin ang mundo

SA edad na 18, maaring si Charlie Condell na ang pinakabata na nagawang magbisikleta ng solo paikot ng mundo.

Nagawa ni Condell na magbisikleta sa layong 30,000 kilometro sa loob ng 248 na araw.

Sa panahong iyon ay nakapaglakbay siya sa 20 mga bansa sa Europe, Asia, North America at Australia.

Nagawa niya ang lahat ng ito sa kabila ng pagkakanakaw sa kanyang bisikleta sa Australia noong October 2018.

Hindi pa roon natapos ang problema ni Condell dahil nang mawala ang kanyang bisikleta ay muntikan namang maiwala ang kapalit nito ng eroplanong kanyang sinakyan.

Sa kabila ng mga kamalasang nangyari ay hindi naman daw nito nabago ang mabuti niyang opinyon sa Australia.

Sa katunayan nga ay balak niyang bumalik sa nasabing bansa kapag siya ay nakakuha na raw ng working visa.