UAAP football sisipa ngayon
MANILA, Philippines — Sasagupain ng 2018 runner-up University of Santo Tomas ang De La Salle University sa paggulong ng UAAP Season 81 men’s football tournament ngayon sa FEU-Diliman pitch.
Maglalaban ang Growling Tigers at ang Green Archers sa ala-1 ng hapon matapos ang bakbakan ng National University Bulldogs at Adamson Falcons sa alas-9 ng umaga.
Maghaharap naman sa alas-3 ng hapon ang Far Eastern University Tamaraws at University of the East Warriors.
Nawala sa UST, sumegunda sa University of the Philippines sa nakaraang season, ang mga key players na sina Marvin Bricenio at Gino Clariño.
Ngunit kumpiyansa pa rin si coach Marjo Allado sa kampanya ng Growling Tigers dahil kina Steven Anotado, Dexter Benecio at Ian de Castro.
Ipaparada ni Hans Smit sa panig ng Green Archers sina main men Yoshi Koizumi, Paeng Siggaoat at Jed Diamante.
Matapos naman ang seventh place finish ay umaasa ang Tamaraws na makakapasok sila sa Final Four sa likod nina Gibo Mendoza, Harold Alcoresa at high school standout Gio Pabualan, iginiya ang Baby Tamaraws sa ‘eight-peat’.
- Latest
