NU-Ateneo Finals rematch ikinasa

MANILA, Philippines – Nagpasabog si guard Terrence For­tea ng 30 points para pamunuan ang National Universi­ty sa 94-72 pag­­sibak sa karibal na Adamson Uni­­versity at umabante sa ika-walong sunod na UAAP juniors basket­ball championship ap­pea­rance kaha­pon sa Filoil Flying V Centre sa San Juan City.

Kaagad umiskor si Fortea ng 22 points sa first half tampok ang li­mang three-point shots sa paggiya sa Bullpups sa 54-35 abante at hindi na nilingon pa ang Baby Falcons.

“He really played well. Day in and day out, ganoon naman talaga siya. He will try his best,” sabi ni NU coach Goldwin Monteverde kay Fortea, nagtala ng magandang 7-of-14 sho­oting sa 3-point area.

Binawian ng Bull­pups ang Baby Falcons na tumalo sa kanila sa first round.

Muling lalabanan ng NU ang nagdedepensang Ateneo sa best-of-three championship series na magsisimula sa Lu­nes sa nasabing San Juan City venue.

Winalis ng Bullpups ang dalawang laro nila ng Blue Eaglets nga­yong season.       

Pinatalsik ng Ateneo ang Far Eastern University-Diliman, 90-82, sa isa pang semis match.

Humugot si 7-foot-1 Kai Sotto ng 19 sa kanyang 22 points sa se­cond half at nagdagdag si rookie Ian Espinosa ng 19 markers, 4 assists, 3 boards at 2 steals pa­ra sa panalo ng Blue Eaglets laban sa Baby Ta­maraws.

“With only five guys coming back from our championship, kitang-ki­ta naman sa endgame, kailangan pa namin ng experience,” pahayag ni Ate­neo first-year coach Reg­gie Varilla.