Pacquiao may minor eye injury
MANILA, Philippines — Sa isang bahagi ng kanilang mainit na upakan ay hindi sinasadyang makaskas ng tape sa gloves ni American challenger Adrien Broner ang kaliwang mata ni Manny Pacquiao noong Linggo sa MGM Grand sa Las Vegas, Nevada.
Ngunit binalewala ni Pacquiao ang nasabing eye injury.
Sa kasagsagan ng kanyang training para sa laban kay Jeff Horn noong Hulyo ng 2017 ay nagkaroon din ng minor injury si Pacquiao sa kanyang kanang mata.
Kaya naman balewala na ito sa kanya.
“It’s okay, it’s just what my eyes are watering. It’s a scratch to my eyeball,” ani Pacquiao sa panayam ng GMA News. “I’ve been through this with the right (eye). Now it’s on the left.”
Naisuko ni Pacquiao kay Horn ang dating suot na World Boxing Organization welterweight belt.
Kinaumagahan ay sinasabing inireklamo ni Pacquiao ang pananakit ng kanyang kaliwang mata bukod sa pagluluha.
Inaasahang makikipagkita ang Filipino world eight-division king sa isang eye specialist sa kanyang pag-uwi sa Pilipinas.
“There’s no clutter, it’s really a scratch, it’s just a bit of a medicine,” ani Pacquiao. “It’s okay, God is good, we just have to rest, it’s easy to heal the scratch in the eyeball.”
Kumpiyansa si Pacquiao na kaagad maghihilom ang kanyang sugat para sa hinihintay na rematch kay Floyd Mayweather Jr.
Ngunit hindi sumagot si Mayweather nang tanungin sa rematch kay Pacquiao.
Related video:
- Latest
