Kings vs Texters ngayon
MANILA, Philippines — Bakbakan ng Barangay Ginebra at TNT katropa ang magbubukas sa 44th PBA Season sa Philippine Arena sa Bocaue, Bulacan.
Nakatakda ang sagupaan ng Gin Kings at Tropang Texters ngayong alas-6:30 ng gabi.
“We have an intact core,” sabi ni Ginebra head coach Tim Cone kina Japeth Aguilar, Greg Slaughter, Joe Devance, LA Tenorio, Sol Mercado, Jeff Chan at Scottie Thompson. “The idea is continuity and we have a chance to continue what we’re doing to go smoothly this year.”
Nabalot naman ang TNT Katropa ng kontrobersiya sa nakaraang offseason.
Ibinigay ng Tropang Texters si star guard Terrence Romeo sa San Miguel kapalit nina David Semera, Brian Heruela at future draft picks.
Aminado si TNT mentor Bong Ravena na hindi madali ang kanilang bagong simula.
“Nasa process pa rin kami ng rebuilding tapos mapapalaban kami agad,” ani Ravena. “Playing against Ginebra, hindi basta-basta iyon.”
- Latest
