Nietes aminadong mahihirapan
MANILA, Philippines — Aminado ang kampo ni Donnie ‘Ahas’ Nietes na mahihirapan ang Filipino world three-division champion kay Japanese Kazuto Ioka sa kanilang championship fight sa Disyembre 31 sa Wynn Palace resort sa Macau, China.
Ito ang inihayag ni Nick Curson, ang American strength and conditioning coach ni Nietes.
“Not easy. A three-division world champion. 29 year-old. Skilled. He is a challenge, a real challenge that we have to overcome. That is why we are not overlooking Ioka at all,” sabi ni Curson sa panayam ng Philboxing.com mula sa Cebu City.
Pag-aagawan nina Nie-tes (41-1-5, 23 KOs) at Ioka (23-1, 13 KOs) ang bakanteng World Boxing Organization super flyweight crown.
Target ng 36-anyos na tubong Murcia, Negros Occidental na si Nietes ang kanyang ikaapat na world boxing title sa ikaapat na weight division. Nagmula si Nietes sa isang draw sa kanilang upakan ng kababayang si ‘Mighty’ Aston Palicte (24-2-1, 20 KOs) sa “Superfly 3” HBO-televised card noong Setyembre 8 sa The Forum sa Inglewood, California.
Hindi pa natatalo si Nietes, nagkampeon sa WBO minimumweight (2007), WBO world light flyweight (2011) at International Boxing Federation flyweight (20-17) divisions, sa loob ng mahabang 14 taon.
Hangad din ng 29-anyos na si Ioka ang pang-apat niyang world boxing belt sa ikaapat na weight category.
“Kazuto Ioka is a Japanese fighter. He has the heart of a Samurai, the warrior who never quits,” wika ni Curson.
Tinapos ni Ioka ang kanyang 17-month retirement ng 10-round decision win kay McWilliams Arroyo sa kanyang super flyweight debut.
- Latest
