Bersamina nanggulat

MANILA, Philippines — Ginulat ni Filipino International Master Paulo Bersamina si third seed Grand Master Le Quang Liem ng Vietnam sa 36 moves ng Giuoco Piano para sumosyo sa liderato sa pagsisimula ng 7th Asian Continental Chess Championships (2nd Manny Pacquiao Cup) sa Tiara Hotel sa Makati City noong Lunes ng gabi.

Nagsakripisyo ng reyna ang 20-anyos na si Bersamina, isang two-time Olympiad veteran na may FIDE rating na 2444 kumpara sa 2714 ni Le, para ilista ang panalo.

Ang panalo ang nagtabla kay Bersamina sa 28-chesser gridlock sa itaas at nakatakdang labanan si Uzbekistani Nodirbek Abdusattorov, tinalo si reigning ASEAN seniors champion IM Chito Garma, sa second round kagabi.

Nakipag-draw si IM Haridas Pascua kay fourth seed GM Santosh Gujrathi Vidit ng India sa 36 moves ng Gruenfeld Defense.

Tanging sina Bersa-mina at Pascua, naglaro sa nakaraang World Chess Olympiad sa Batumi Georgia, ang nanalo para tabunan ang pagka­talo ng 16 pang Filipino sa nine-round tournament.

Kasama sa mga nabigo ay sina GMs John Paul Gomez, Darwin Laylo at Joey Antonio, yumukod kay second seed GM Wei Yi ng China, fifth pick B. Adhiban ng India at No. 8 GM S. P. Sethuraman ng India, ayon sa pagkakasunod.

Sa women’s division, nakipag-draw si Filipina WGM Janelle Mae Frayna kay Sivanesan Nith-yalakshmi ng Malaysia.

Nakipag-draw din si WFM Shania Mae Mendoza kay No. 3 IM Guo Qi ng China ,WIM Marie Antoinette San Diego kay No. 7 WGM Vo Thi Kim ng Vietnam at WFM Cherry Ann Mejia kay 13th pick WGM Nguyen Thi Thanh An ng Vietnam.