Celtics dinurog ang bulls

CHICAGO — Humataw si guard Jaylen Brown ng 23 points mula sa bench, tumipa si Da-niel Theis ng career-high na 22 points at humakot ng 10 rebounds para banderahan ang Boston Celtics sa 133-77 pagdurog sa Bulls tungo sa kanilang panglimang sunod na panalo ng Celtics.

Ang 56-point win margin ng Boston ay ang pinakamalaki sa kanilang franchise history matapos ang 51-point win (153-102) kontra sa Philadelphia Warriors noong March 7, 1962.

Nag-ambag si Jayson Tatum ng 18 points kasunod ang 15 markers ni Terry Rozier para sa Celtics na gumamit ng 17-0 start at balanseng opensa para duplikahin ang kanilang 128-100 paglampaso sa New York Knicks noong Huwebes.

Ang nasabing 56- point loss ay ang pinakamasaklap naman sa Bulls’ history makaraan ang 53-point (127-74) defeat sa Minnesota Timberwolves noong Nov. 8, 2001.

Pinamunuan ni Shaquille Harrison ang Chicago sa kanyang career-high na 20 points kasunod ang 11 markers ni Zach LaVine.

Kaagad kinuha ng Celtics ang 35-17 abante sa first quarter patungo sa 64-43 pagbaon sa Bulls sa halftime.

Sa New York, umiskor si Spencer Dinwiddie ng 25 points at nagdagdag ng 20 markers si Rondae Hollis-Jefferson para tulungan ang Brooklyn Nets sa 112-104 pananaig laban sa Knicks.

Nagtala si Allen Crabbe ng 17 points habang humakot si Jarrett Allen ng 14 points at 12 rebounds para sa ikalawang sunod na panalo ng Nets.

Binanderahan ni Enes Kanter ang Knicks sa kanyang 23 points at 14 rebounds.

Sa Memphis, kumolekta si LeBron James ng 20 points, 9 assists at 8 rebounds habang nag-lista si Kyle Kuzma ng 20 markers at 9 rebounds para pangunahan ang Los Angeles Lakers sa 111-88 paggupo sa Grizzlies.

Tumipa sina Kenta-vious Caldwell-Pope at Josh Hart ng tig-16 points at kumolekta si JaVale McGee ng 10 points at 10 rebounds para sa Lakers.

Pinamunuan naman ni Wayne Selden ang Memphis mula sa kanyang 17 points kasunod ang 12 markers ni Mike Conley.