De Vega, 9 pang sports legends iluluklok sa Hall of Fame ngayon

MANILA, Philippines — Hindi masukat ang ka­ligayahan ni dating ‘Asia’s fastest woman’ Lydia de Vega-Mercado sa pagkakaluklok sa kanya sa Philippine Sports Hall of Fame.

Isa ang ngayo’y 53-anyos na si De Vega-Mercado sa 10 Filipino sports great na iluluklok sa Hall of Fame nga­­­yong gabi na gagana­pin sa Summit Hall sa Philip­pine International Convention Center.

“She is so excited to receive her Hall of Fame trophy. She even took time out of her work just to personal­ly received what she des­cribed the most precious awards for being a national athlete, a public servant and a Filipino,” sabi ni Philippine Sports Commission chairman William Ramirez.

Si De Vega-Mercado na tubong Meycauayan, Bulacan ay nagreyna sa 100-m dash at 200-m dash sa Southeast Asian Games noong 1987, 1991 at 1993.

Dalawang beses din niyang napanalunan ang gintong medalya sa Asian Athletics Championships noong 1983 at 1987.

Nasungkit din niya ang gintong medalya sa 100-m dash sa Asian Games noong 1982 sa New Delhi, India at inulit pa niya noong 1986 Seoul, South Korea Asian Games sa oras na 11.53 segundo kung sa­­an tinawag siyang “Asia’s fastest woman.”

Dalawang beses din siyang kumatawan sa bansa sa Olympics Games, ang una ay no­ong 1984 sa Los Angeles, California at ang ika­­lawa ay noong 1988 sa Seoul, South Korea.

Iba pang tatanggap ng insentibong P100,000 at paparanga­lan sa ikatlong pagluluk­lok sa Phi­lippine Sports Hall of Fame ng sports commission ay sina da­ting four-time bowling World Cup champion Pa­eng Ne­pomuceno, da­ting Sen. Ambrosio Padilla (basketball), Filomeno “Boy” Codiñera (soft­ball at baseball), Oli­­via “Bong” Coo (bow­­ling), Ben Arda (golf), Loreto Carbonell (bas­­ketball), Josephine de la Vina (athletics), Li­ta de la Ro­sa (bow­ling) at Erbi­to Salavarria (boxing).