Tuloy ang laban ni Mayweather sa Japan
MANILA, Philippines – Tuloy ang bakbakan nina undefeated American boxer Floyd Mayweather Jr. at Japanese kickboxer Tenshin Nasukawa sa Disyembre 31 sa Saitama, Japan.
Ito ang inihayag ni Nobuyuki Sakakibara, ang CEO ng mixed martial arts promoter na RIZIN ilang araw matapos sabihin ni Mayweather sa kaniyang Instagram account na hindi tuloy ang laban.
Ayon kay Sakakibara, isa lamang itong insidente ng misunderstanding ngunit nilinaw ng Ja-panese promoter na naplantsa na ang lahat.
“Misunderstanding with Floyd Mayweather has been resolved. He will face off against Tenshin Nasukawa on December 31, New Year’s Eve,” pahayag ni Sakakibara sa kanyang statement na inilagay niya sa kanyang Twitter account.
Nag-post pa ito ng larawan kasama si Mayweather bilang patunay na naayos na ang gusot.
“I will talk about the details at a press conference when I return to Japan,” dagdag ni Sakakibara.
Kinumpirma naman ito ni Mayweather base sa panayam ng TMZ Sports.
“We’re going to make it happen. It’s a no-brainer,” ani Mayweather.
Nilinaw naman ni Mayweather na isa lamang itong boxing exhibition.
“Rules? It’s going to be a little boxing exhibition. I’m moving around with the guy for nine minutes, and of course it’s going be the highest paid exhibition ever,” aniya.
Matapos ang exhibition, inaasahang haha-nap si Mayweather ng seryosong kalaban sa susunod na taon bago sumabak sa isang posibleng rematch kay eight-division world champion Manny Pacquiao.
- Latest