Ibibigay pa rin lahat ng Lady Realtors
MANILA, Philippines — Bagama’t ilang mahalagang players ang may injury ay ibibigay pa rin ng Sta. Lucia ang lahat ng kanilang makakaya sa pagsabak sa Philippine Superliga (PSL) All-Filipino Conference na hahataw sa Sabado sa Filoil Flying V Centre.
Sinabi ni head coach George Pascua na ang kanilang top spiker na si Filipino-American MJ Philips kasama si Chin Basas ay may mga injuries ilang araw bago magsimula ang season-ending conference ng prestihiyosong women’s club tournament na itinataguyod ng Isuzu, Sogo, Senoh, Asics, Mikasa, Mueller, UCPB Gen and Bizooku with ESPN5, Aksyon at Hyper HD bilang broadcast partners.
“We may be dealing with injuries, but we’re ready to go,” wika ni Pascua, inihatid ang Petron sa sweep ng torneo noong 2015 sa likod nina stars Rachel Anne Daquis, Dindin Manabat at Aby Maraño. “MJ and Chin are not yet in 100 percent, but some players are ready to step up. We know that the All-Filipino is such a tough tournament, but we’re more than ready to compete and show that we belong,” dagdag pa nito.
Si Philips ay may Achilles tendon injury habang may ear at shoulder injury naman si Basas.
Sasandalan ng Lady Realtors sina veterans Michelle Laborte at Rubie de Leon kasama sina Carlota Hernandez, Pam Lastimosa, Jeanette Villareal, Rebecca Rivera, Roselle Baliton, Jackie Estoquia at Jhoanna Maraguinot.
Aasahan din ni Pascua sina libero Rica Rivera, Dhannytaine Demontano at Souzan Raslan. Hangad ni Pascua na maipasok ang Sta. Lucia sa kauna-unahan nilang semifinal appearance.
- Latest
