GenSan, Batangas wagi sa MPBL
GENERAL SANTOS CITY, Philippines –Kumolekta si John Orbeta ng 18 points at 14 rebounds para pamunuan ang General Santos City Warriors sa 69-66 paglusot sa Laguna Heroes sa 2018 MPBL Datu Cup sa Lagao Gymnasium dito noong Huwebes ng gabi.
May 2-0 baraha ang Warriors sa kanilang tahanan at 5-6 sa kabuuan sa torneo.
Matapos magtala ng dalawang sunod na panalo ay nahulog naman ang Heroes sa kanilang ikalawang dikit na kamalasan para sa 6-6 baraha.
Samantala, tinalo ng inaugural staging champion na Batangas City ang Muntinlupa, 82-71, sa rematch ng nakaraang season’s finale.
Umiskor si ex-pro Denice Villamor ng 15 points para sa panalo ng Athletics, hindi nakuha ang serbisyo nina Paul Varilla at Val Acuña.
Inilista ng 6-foot-4 na si Villamor ang huling anim na puntos ng Batangas sa fourth quarter laban sa Muntinlupa.
- Latest
