Pacquiao-Broner fight sa Enero
MANILA, Philippines — Si American world four-division champion American Adrien Broner ang sunod na makakalaban ni reigning WBA welterweight titlist Manny Pacquiao.
Ito ang kinumpirma ni Pacquiao kamakalawa ng gabi kung saan gumugulong na aniya ang negosasyon na nasa 90 porsiyento na.
“Broner, Adrien Broner,” ani Pacquiao nang tanungin ito sa kanyang susunod na kalaban.
Pinag-aaralan ng magkabilang kampo ang Enero 12 o 19 na petsa ng laban na posibleng ganapin sa Las Vegas, Nevada.
“It is almost final but it is not yet there. Mga 90 percent na,” anang People’s Champion.
Ipagtatanggol ni Pacquiao ang kaniyang WBA welterweight belt na napanalunan niya matapos itarak ang seventh-round technical knockout win laban kay Lucas Matthysse noong Hulyo sa Kuala Lumpur, Malaysia.
Naitanong rin ang rematch kay undefeated American Floyd Mayweather, Jr. ngunit tikom ang bibig nito.
Nais ni Pacquiao na isentro muna ang atensyon niya sa kanyang laban sa Enero.
“I still have a fight in January. Basta laban lang tayo. Floyd Mayweather is coming back, handa lang tayo so we’ll discuss it after the fight in January,” ani Pacquiao.
Sakaling matuloy ang Pacquiao-Mayweather rematch ay target ng Pinoy champ na ganapin ito sa Cinco de Mayo (May 5) o sa Hulyo.
“Focus muna ako sa fight ko sa January kung matuloy man iyan (Pacquiao-Mayweather rematch), gusto ko sa Cinco De Mayo or sa July,” ani Pacquiao.
Nauna nang isiniwalat ni Mayweather noong Setyembre na magbabalik siya sa ring para harapin si Pacquiao sa isang rematch.
- Latest
