UAAP Games kanselado

MANILA, Philippines — Kinansela ng UAAP management committee ang mga laro ngayong araw sa UAAP Season 81 men’s basketball tournament dahil sa bagyong Ompong.

Inihayag ni UAAP President Nilo Ocampo ng host National University ang desisyon upang matiyak ang kaligtasan ng mga manlalaro, opisyales at mga tagasuporta ng bawat koponan dahil inaasa-hang magbibigay ng malalakas na buhos ng ulan at matinding hangin ang bagyo.

“After due consultation and considering what appears to be a severe weather disturbance, The UAAP deems it best for everyone’s  interests to cancel the basketball games tomorrow Saturday, September 15, 2018,” ani Ocampo sa statement.

Nakatakda sanang magharap ang nagdedepensang Ateneo de Manila University at Far Eastern University gayundin ang Adamson University at De La Salle University.

Ililipat ang mga naturang laro sa ibang petsa.

Kanselado rin ang mga laro sa juniors division.

Nauna nang ipinagpaliban ang mga laro sa chess at badminton.