NLEX dumiretso sa ikalawang panalo

MANILA, Philippines — Walang dapat ipag-a­lala si head coach Yeng Guiao sa NLEX.

Sa ilalim ni assistant coach Jojo Lasti­mosa ay dumiretso ang mga Road War­riors sa kanilang ika­la­wang su­nod rat­sa­da sa 2018 PBA Go­vernor’s Cup.

Pinatumba ng NLEX ang NorthPort, 123-107, para solohin ang lide­rato kahapon sa Ynares Center sa Antipolo City.

Humakot si Nige­ri­an-Canadian import Olu Ashaolu ng 27 points at 13 rebounds pa­ra sa 2-0 baraha ng Road Warriors.

Ginawa ito ni Ashaolu kahit na may ruptured patellar tendon.

Nagdagdag naman si­­na Larry Fonacier at guard Mark Tallo ng tig-14 mar­kers kasunod ang 12 points ni bigman JR Quiñahan.

Si Lastimosa ang pan­­samantalang huma­ha­­wak sa NLEX habang ginigiyahan ni Guiao ang Philippine team sa 18th Asian Games sa Indonesia.

Nagpasabog naman si reinforcement Rashad Woods ng game-high na 42 points sa panig ng NorthPort kasunod ang 20, 15 at 13 mar­kers ni­na Moala Tautuaa, Pao­lo Taha at Jonathan Grey, ayon sa pagkakasu­nod.

Maagang itinayo ng Road Warriors ang 34-19 abante sa first period hanggang makadikit ang Batang Pier sa halftime, 58-61.

Sa third quarter ay bi­nanderahan ni Ashaolu ang ratsada ng NLEX para muling iwanan ang NorthPort sa 94-78.

Huling nakalapit ang Batang Pier sa 95-104 sa huling 4:51 minuto ng final canto.

Ang magkasunod na three-point shots naman ni Kenneth Ighalo ang muling naglayo sa Road Warriors sa 110-95.

Tumapos si Ighalo na may 11 points para sa NLEX.

NLEX 123 - Ashaolu 27, Fonacier 14, Tallo 14, Qui­ñahan 12, Ighalo 11, Mal­lari 10, Tiongson 10, Ba­guio 8, Paniamogan 5, Marcelo 4, Miranda 4, Ga­lanza 4.

NorthPort 107 - Woods 42, Tautuaa 20, Taha 15, Grey 13, Javelona 8, Teng 5, Guinto 3, Elorde 1, Es­pi­nas 0, Gabayni 0.

Quarterscores: 34-19; 61-58; 94-78; 123-107.