Minotaur ginulat ang bayang karerista
MANILA, Philippines — Muling nakadehado si jockey CP Henson noong Biyernes sa pagkakapanalo ng Minotaur sa huling karera sa Sta Ana Saddle and Clubs sa Naic, Cavite.
Tinalo ng tambalan ang Oustanding Favorite na Pleasanton at siyam na iba pang kabayo kabilang ang Oakhill Princess, Ahala, Black Magic Woman, Lucky Girl at Stone Ladder.
Sa nasabing karera ay pumuwesto kaagad sa pang-anim na puwesto ang dehadong Minotaur pero pagsapit sa rektahan ay unti-unting nakalapit sa banderang Only One hanggang sa manalo nang my limang kabayo.
Dahil sa panalo ng dehadong Minotaur ay gumanda ang mga dibidendo sa Extra Double, Daily Double, DD+1, Forecast, Trifecta at maging sa mga Exotic Bets na Winner Take-All, Pick-6, Pick-5 at maging sa Pick-4 betting Option.
Sa Forecast palang ay nagbigay na ng dibidendong P1,807.50 sa nanalong kumbinasyon na 6-2, habang sa Trifecta ay nagbigay ng dibidendong P2,406.20 at ang Carry-Over o wala namang nakakuha sa Quartet, Penta at Super-Six Event.
Malaki rin ang ibinigay sa Daily Double Event dahil nagbigay ito ng dibidendong P605.50 sa kada isang ticket, habang ang Extra Double ay nagbigay ng P1,118 sa nanalong kumbinasyon na 4-6.
Maging sa Daily Double Plus One ay napakalaki rin ng ibinigay dahil P3,178.60 ang bigayan na dibidendo sa mga nanalong kabayong Spring Singer, Umbrella Girl at Minotaur kaya hindi rin nakakagulat na P35,855.20 ang naging dibidendo sa Winner-Take-All.
Ang Pick-6 Event naman na may nanalong kumbinasyon na 12-5-7-4-1-6 ay nagbigay ng P9,709.20 kada isang ticket, habang mas malaki pa ang ibinigay sa Pick-4 dahil P12,194.20 pa ang ibinigay sa kada isang ticket na may kumbinasyon na 7-4-1-6.
- Latest
