Arum bibisita kay Pacquiao

MANILA, Philippines — Matapos talunin si Lucas Matthysse ng Argentina via seventh-round TKO noong Linggo sa Kuala Lumpur, Malaysia ay tinanong si Manny Pacquiao kung sino ang susunod niyang lalabanan.

Nabanggit ni Pacquiao ang pangalan ni Floyd Mayweather, Jr., tumalo sa kanya sa kanilang super fight noong Mayo ng 2015.

Dahil dito ay plano ni Bob Arum ng Top Rank Promotions na bisitahin si Pacquiao sa Pilipinas sa susunod na buwan.

“Can you ever say no to Mayweather?” wika ni Arum sa panayam ng Los Angeles Times. “It won’t be the crazy event of last time, but it’d still be a major attraction.”

Bukod sa 41-anyos na si Mayweather ay inaasa-hang babanggitin din ni Arum kay Pacquiao sina lightweight titlist Vasiliy Lomachenko at unbeaten welterweight king Terence Crawford.

Tuluyang nagretiro si Mayweather, ang Amerocan world five-division titlist, noong Agosto matapos ta-lunin si UFC superstar Conor McGregor.

Dumalo si Mayweather isang charity basketball event sa UCLA kagabi.

Sa pahayag ni Mayweather ay tila isinara na niya ang rematch nila ng 39-anyos na si ‘Pacman’.

“I had a chance to see Manny Pacquiao. Congratulations to Manny Pacquiao. Everyone’s constantly asking me, ‘Are you going to fight Manny Pacquiao?’” sabi ni Mayweather sa mga video reporters matapos ang charity game. “Like I said before, we did what we had to do. I won. He had excuses. Manny Pacquiao, keep up the good work.”

Kung gusto ni Mayweather na muling labanan si Pacquiao ay kaagad kakausapin ni Arum ang Senador.