Imus susukatan ang Davao sa MPBL

Tatabla sa mga buwenamanong Muntinlupa at Marikina

MANILA, Philippines — Pagkakataon naman nga­yon ng  Imus Bandera na subukan ang baguhang Davao Occidental Tigers, habang magtatagpo ang kapwa expansion teams na Laguna Heroes at Zam­boanga Valientes sa 2018 Maharlika Pilipinas Basketball League An­ta Datu Cup sa Laguna Sports Complex.

Haharapin ng Imus Ban­dera ang Davao Tigers ngayong alas-7 ng ga­bi at magtatagpo naman ang mga baguhang Laguna Heroes at Zamboanga Valientes sa alas-9.

Tiyak na papangunahan ang Imus Bandera ni coach Jerry Codiñera nina El­mer Mykiel Cabahug, Matthew Bernabe, John Es­calambre, Paolo Ponte­jos, Chester Ian Melencio, Orly Daroya, Jomari Sol­lano, Wilson Baltazar, Francis Musayac at Jerwin Gaco.

Ipaparada rin ni mentor Don Dulay ng Davao Tigers sina Mario Leoni­da, James Regalado, Bonbong Custodio, Jerold Ca­banog, Leo Najorda, Ar­nold Adormeo, Billy Rob­les at Mark Yee.

Samantala, nagwagi ang Anta Rajah Cup runner-up na Muntinlupa Cagers laban sa paboritong Mandaluyong El Tig­re, 86-74, sa pagbubukas ng ikalawang confe­rence ng home and away league noong Martes sa Smart Araneta Coliseum.

Kahit sina Bobby Ray Parks, Jr. at Jeff Javillonar ay walang nagawa sa so­lid na depensa at opensa ng Cagers.

Umiskor si Chito Jaime ng 17 puntos, habang 16 naman kay Allan Ma­ngahas na may kasamang anim na rebounds, limang assists at dalawang steals para sa Cagers ni coach Al­drin Morante.

Umani rin ng double-double performance si Felix Apreku sa kanyang 10 puntos at 16 rebounds at 12 naman mula kay Dave Moralde para sa magandang simula ng Muntinlu­pa na hangad ang titulo matapos matalo sa finals sa Batangas noong naka­raang An­ta Rajah Cup.

Si Parks, ang dating UAAP MVP at back-to-back ABL MVP, ay tumapos na may 21 puntos, 10 rebounds at apat na assists sa kanyang unang laro sa MPBL, habang si Javillo­nar ay may 15 puntos pa­ra sa El Tigre.

Sa ibang laro, nasungkit ng Marikina Shoema­kers ang 88-81 pa­nalo kon­tra sa Gene­ral Santos City Warriors upang ma­kisosyo sa Muntinlupa sa li­derato sa pa­reho nilang 1-0 kartada.