Rondina-Pons duo sa semis
MANILA, Philippines – Mabilis na pinatumba nina reigning champions Sisi Rondina at Bernadeth Pons ng Petron sina Bianca Lizares at Jonah Sabete ng Sta. Lucia-B, 21-5, 21-11, upang umabante sa semifinals ng Philippine Super Liga (PSL) Beach Volleyball Challenge Cup kahapon sa Sands by the Bay.
“Marami pa kailangang i-improve marami kaming hindi nagawa sa mga ginawa namin nung ensayo. Gusto naming ibalik yung dating laro namin kaya kailangan pa mag-focus,” pahayag ni Pons.
Makakalaban nina Rondina at Pons ang magwawagi sa laro nina Patty Orendain at Fiola Ceballos ng Generika Ayala-A at nina reigning NCAA champions Jiezela Viray at Nieza Viray ng Foton.
Pinatumba naman nina Jackie Estoquia at DM Demontano ng Sta. Lucia-A at nina F2 Logistics duo Michelle Morente at Fritz Gallenero ang kani-kaniyang karibal upang maisaayos ang semis duel.
Tinalo nina Estoquia at Demontano sina Mumay Vivas at Jannine Navarro ng Cignal-B, 21-10, 21-13, habang kinuha nina Morente at Gallenero ang 18-21, 21-15, 16-14 panalo laban kina Mylene Paat at Raprap Aguilar ng Cignal-A.
Sa men’s division, makakaharap sa finals nina Bryan Bagunas at James Natividad ng Sands by the Bay sina Kris Roy Guzman at Lemuel Arbasto ng Foton.
Iginupo nina Bagunas at Natividad sina Philip Bagalay at Gregory Utupo ng Smart, 21-15, 21-14, at tinalo nina Guzman at Arbasto sina Mika Abria at Jessie Lopez ng Cignal, 21-15, 21-14.
- Latest
